Rescatan en helicóptero un home lesionado no Ézaro

Un home tivo que ser evacuado este mércores en helicóptero no Ézaro tras sufrir unha lesión nunha perna que lle impedía camiñar.

O 112 Galicia informou de que o aviso chegou ás 12:00 horas por parte dun particular que alertou do incidente preto do río Xallas.

Debido á dificultade do terreo, foi necesaria a intervención do helicóptero Pesca II de Salvamento Marítimo para efectuar o rescate.

Ademais do equipo aéreo, o 112 avisou o Servizo de Urxencias Sanitarias de Galicia-061, os Bombeiros de Cee e a Garda Civil.