Hospitalizado un menor rescatado da auga inconsciente en Ponte Sampaio, Pontevedra
Foi un socorrista o que rescatou o rapaz na praia fluvial de Ponte Sampaio e avisaron o 112 contra as 13 horas da tarde deste sábado
O socorrista que o rescatou estivo a facerlle manobras de reanimación ata que chegou o 061
Os sanitarios seguiron coas manobras e conseguiron reanimalo e posteriormente foi trasladado ao hospital Montecelo de Pontevedra
.png)
Hospital Montecelo de Pontevedra. Foto: Arquivo
Os sanitarios estabilizaron e trasladaron ao hospital Montecelo un menor que foi rescatado da auga en estado inconsciente na praia fluvial de Ponte Sampaio (Pontevedra).
O 112 Galicia, que informou deste suceso, recibiu un aviso pasada a unha desta tarde sobre un menor ao que a socorrista sacara da auga en estado inconsciente e estáballe practicando unha masaxe cardíaca.
Con esta información, os xestores de Emerxencias solicitaron a colaboración dos profesionais de Urxencias Sanitarias de Galicia-061, así como dos axentes da Policía local e da Policía Nacional.
Á súa chegada, o equipo médico seguiu coas tarefas de reanimación ata que conseguiron estabilizar o menor e trasladalo ao hospital de Montecelo.
.png)
