Espectacular rescate dun gato empoleirado nun carballo
Capturouno unha empresa de poda en altura, que tivo que cortar a póla dun carballo e recoller o gato nunha lona
Espectacular rescate dun gato do alto dun carballo na localidade de Moaña. Logo de varios intentos, o gato foi rescatado por unha empresa de Cuntis especialista en podas en altura, que usou un arnés, calzado especial para gabear polas árbores e mesmo unha lona para que o animal caese sen esnafrarse.
Hércules, así decidíu chamalo Olga García; a muller que o atopou asustado enganchado nunha póla dun carballo de máis de dez metros de altura. Olga pasou varios días en alerta vendo como o gato non era quen de baixar. Moveu ceo e terra para que alguén lle fixese caso, pero non o conseguiu ata que unha empresa de Cuntis se achegou ata a súa casa rural da Fraga, en Moaña.
Arboricultura Gaia mandou varios operarios. Un deles escalou pola árbore, gabeando e podou varias pólas ata que conseguíu chegar ata o gato. Cortou a póla en que estaba e recollérono cunha lona para que non se ferise.
O gato fuxiu axiña, pero anda pola zona, xa que Olga viuno de lonxe e está segura de que foi el quen lle guindou unha toupiña no felpudo como xesto de agradecemento.
