Rescatan dous mozos que arrastrou a corrente na praia de Santa Cristina, en Oleiros
Un mozo lanzouse á auga para intentar recuper unha pelota e foi arrastrado pola corrente, polo que o seu compañeiro tamén se tirou para intentar rescatalo
Un particular cunha lancha sacounos da auga con síntomas de hipotermia
Unha tranquila tarde de praia case remata en traxedia neste areal de Santa Cristina en Oleiros. Dous mozos xogaban cunha pelota no treito final do areal onde comeza a ría do Burgo. A pelota caeu na auga e un deles lanzouse para intentar recuperala. A corrente arrastrouno e non conseguía saír, polo que o compañeiro tamén se tirou para intentar rescatalo.
Outros bañistas alertaron da situación e avisaron os bombeiros da Coruña, pero non chegaron a actuar porque un particular nunha lancha logrou sacalos a ambos os dous xa con síntomas de hipotermia.
Un deles foi trasladado ao hospital. Afortunadamente quedou nun susto pero os veciños de Oleiros aseguran que non é a primeira vez que sucede algo así. Din que é habitual que bañistas que non coñecen a praia se meten na auga sen saber do risco desta zona polas correntes.
O mozo ingresado onte no CHUAC xa foi dado de alta na noite do domingo.
.png)
