O condutor que atropelou en Mondariz un ciclista negouse a realizar a proba de alcolemia
Samuel González Carrrera, campión galego de ciclocrós, resultou ferido grave despois de ser alcanzado polo coche e caer por un noiro
O coche, que tamén acabou fóra da vía, incendiouse e ardeu por completo
O accidente tivo lugar neste tramo da Nacional 120 á altura daparroquia de Meirol en Mondariz. Por causas que aínda se descoñecen, o vehículo levou por diante o ciclista, que quedou inconsciente na beiravía tras caer por un noiro. O coche, que tamén acabou fóra da vía, incendiouse e ardeu por completo.
O ciclista, Samuel Gónzalez Carrera, campión galego de ciclocrós, quedou ferido de gravidade e foi trasladado nun helicóptero medicalizado ao hospital Álvaro Cunqueiro en Vigo. A Federación Ciclismo Galego emitiu un comunicado onde lamentan o sucedido e piden medios para garantir a seguridade dos ciclistas na estrada. Samuel ten 28 anos, traballa como bombeiro en Ponteareas e é moi coñecido na zona.
A Garda Civil abriu unha investigación para esclarecer a causa do sinistro. O condutor do vehículo negouse a realizar as probas de alcolemia polo que tamén se lle abriron dilixencias por este feito.
