A demanda de traxes a medida revitaliza o sector da xastrería tradicional

Un oficio dos de sempre que require dun traballo minucioso e mans mañosas para crear e confeccionar roupa para home. "Cada vez  fanse máis traxes a medida e aínda que hai outras firmas que están facendo traxes marabillosos, nós non perdemos a nosa esencia e estamos actualizados", puntualiza Jennifer Henríquez, encargada da tenda especializada en xastrería Félix Ramiro.

Adaptarse aos novos tempos mantendo a identidade. Porque se hai un obxecto do que non se pode prescindir na xastrería ese é a fita métrica. 

O labor das xastras e xastres é eminentemente artesán.

Sábeno ben nesta firma especializada que conta con trinta e cinco anos de traxectoria: "De feito os nosos patróns fainos Félix Ramiro directamente. Podes velo a diario todas as mañás no taller e eses patróns ás miñas costas están feitos por el. El sempre trata de diferenciarse en cor e en patronaxe. Hai moito da súa man en todas as prendas".     

Dío o propio sector: a xastrería tradicional está a atravesar un dos seus bos momentos.