Renfe recupera este sábado a circulación ferroviaria na estación de Coruña
Estaba pechada desde o 26 e xuño para acometer a segunda fase das obras do Adif na terminal
O Adif inicia unha nova fase de actuacións na infraestrutura entre A Coruña e Uxes, que implicará restricións na circulación neste tramo
Renfe recupera este sábado a circulación ferroviaria na estación da Coruña, unha vez finalizada a segunda fase de obras do Adif na infraestrutura que, desde o pasado 26 de xuño, supuxo a interrupción temporal do servizo na terminal coruñesa.
Durante este período, coincidente co inicio da tempada estival, a compañía habilitou un plan alternativo de transporte no que se mobilizaron máis de 1.850 autobuses e 285 taxis para garantir a continuidade dos distintos servizos de Media Distancia, Avant e Longa Distancia afectados.
A partir deste sábado, o Adif inicia unha nova fase de actuacións na infraestrutura entre A Coruña e Uxes, que implicará restricións na circulación neste tramo. Con motivo das novas necesidades operativas, Renfe axustará o horario dun total de dez trens de Media Distancia, Avant e Longa Distancia.
A compañía lembra que, neste contexto de obras, a evolución dos traballos podería requirir modificacións puntuais nos primeiros servizos do día 11 de xullo e recomenda consultar os horarios antes de viaxar, incluídos os correspondentes ás paradas intermedias.
