Retencións de varios quilómetros na A-6 á altura de Becerreá polas obras na autovía

As obras da A-6 na provincia de Lugo están a xerar retencións de varios quilómetros en Becerreá, coincidindo coa operación saída da segunda quincena de agosto.

Segundo a información da Dirección Xeral de Tráfico (DXT), a "conxestión" rexístrase durante seis quilómetros da vía en dirección Madrid, desde o punto quilométrico 460.0 ata o 455.3.

A A-6 está cortada nese punto, cun desvío pola N-6, con motivo das obras que realiza en varias fases o Ministerio de Transportes para a rehabilitación estrutural da autovía entre os quilómetros 407 e 480,5, nas provincias de Lugo e León.