Rematou a temporada do Porriño logo da derrota en Elxe

Rematou a temporada para o Conservas Orbe Rubensa Porriño cunha derrota na pista do Elxe na volta dos cuartos de final da loita polo título. A tarefa era complicada porque tiña que remontar os catro goles de vantaxe que lograran as alacantinas no partido de ida e volveron a perder por 25-21. 

A eliminatoria quedou sentenciada na primeira metade en que o Porriño non estivo no partido. Aguantou ata o 9-6, pero un parcial de 6-0 a prol das locais puxo as cousas imposibles (15-6) a catro minutos do descanso.

Na segunda parte as de Abel Estévez tiraron de orgullo e chegaron a poñerse a tres goles (23-20) pero aí quedou a remontada.