Os traballos arqueolóxicos na illa de Ons constatan unha ampla presenza castrexa e romana

Rematan na illa de Ons os traballos arqueolóxicos na busca de novas pegadas de ocupación romana e castrexa. Os investigadores da Universidade de Vigo centráronse desta volta na terraza intermedia do castro do Castelo de Mouros, atopado en 2021, e o espazo localizado fóra da muralla.

Confirmaron desta volta que a presenza castrexa e romana é moito máis ampla. Na parte castrexa estaban organizados en socalcos, e seguen investigando se a romana aínda medra máis cara ao mar.