Recomendan non bañarse na praia de Portocelo de Marín pola presenza de bacterias
As análises detectaron enterococos intestinais e E. coli e o Concello manterá un seguimento diario da calidade da auga
Turismo de Galicia
O Concello de Marín recomendou non bañarse na praia de Portocelo pola presenza de bacterias na auga, despois de que as análises detectaran enterococos intestinais E. coli.
A recomendación mantense despois de que as analíticas realizadas diariamente pola Consellería de Sanidade continúen dando resultados positivos.
Polo momento, descoñécese a orixe da contaminación, aínda que desde o Concello apuntan a que as chuvias dos últimos días e as escorrentías puideron influír.
A situación será sometida a un seguimento diario para comprobar a evolución dos valores e poder recuperar a recomendación de baño cando as condicións sexan adecuadas.
