Esta madrugada atrasaremos os reloxos unha hora para adaptarnos ao horario do inverno
Ás tres da madrugada volverán ser as dúas
O cambio horario pode afectar temporalmente ao estado de ánimo
Esta noite poderemos durmir unha hora máis. Ás tres serán as dúas e entraremos oficialmente no horario de inverno. Atrasamos o reloxo cada outono e sempre xorde o debate sobre como nos afecta.
O cambio horario estacional vén acompañado de días cada vez máis curtos e altera os nosos ritmos circadianos. O noso organismo funciona cun reloxo interno que responde, entre outras cousas, á luz natural. Por iso, o cambio pode afectar temporalmente o descanso ou a sensación de cansazo nalgunhas persoas. A adaptación pode levar varios días.
Os especialistas recomendan manter horarios regulares para durmir e aproveitar a luz da mañá sempre que sexa posible. Tamén utilizar as comidas como aliadas neste reaxusre interno.
"Debemos tratrar de facer xa a comida do domingo na hora de sempre. Aínda que ese primeiro día non haxa tanto apetito a esa hora, tratar de ser estritos e colocar os momentos das comidas nos horarios habituais", explica Asís Garrido, director de fisioterapia de EZEN Saúde e Rendemento.
O debate sobre a posible eliminación dos cambios de hora estacionais segue aberto na Unión Europea.
