Dúas persoas evacuadas tras inhalaren fume nun incendio nun piso en Vigo

Dúas persoas tiveron que ser trasladadas ao hospital tras inhalaren fume durante un incendio nun piso en Vigo.

O suceso tivo lugar nun piso da rúa Balaídos, sobre ás 14:00 horas deste sábado, cando unha tixola comezou a arder.

Aínda que o lume estaba case apagado, as persoas inhalaran algo de fume.

Ata o lugar achegáronse o Servizo de Urxencias Sanitarias de Galicia-061, os Bombeiros de Vigo e a Policía Nacional.

Tras a súa chegada, a dotación de bombeiros indicou que o lume fora xa practicamente sufocado polos particulares da casa, de forma que ardeu a extractora e víronse afectados os mobles máis próximos.

Ademais, foi preciso trasladar as dúas persoas ata o hospital de referencia logo de que inhalaran fume durante o incidente.