Rebenta a comporta central do encoro de Vilamartín de Valdeorras

Rebentou a comporta central do encoro de Valencia do Sil, parroquia do concello ourensán de Vilamartín de Valdeorras.  Non hai feridos e, polo momento, aparentemente parece que non hai danos. 

Non hai risco de inundación porque a auga vai directa cara ao encoro que hai río abaixo, o de San Martiño, no concello veciño da Rúa.

O principal uso da presa de Valencia do Sil é a produción de enerxía hidroeléctrica e está xestionada pola empresa Iberdrola. Polo momento, descoñécese que causou que a comporta central do encoro rebentase.