Raúl Blanco: "Necesitabamos a vitoria pola moral do equipo"

Os tres puntos que conseguiu o Arenteiro ante o Móstoles permitíronlle ao conxunto ourensán saír dos postos de descenso, que ocupaban dende hai moitas xornadas. 

O autor do primeiro tanto verde, Raúl Blanco, pasou polo Galicia en goles.

"Fixemos unha formulación boa durante a semana e as cousas saíron como agardabamos. Chegou o resultado que era moi necesitado. Ás veces entran os goles, outras non, hoxe por fin chegou a sorte. O importante é seguir cos resultados cara a adiante. É importante para a moral do equipo, porque estabamos pasando mal nas últimas semanas".