Rácing-Pontevedra: a pelexa polo 'playoff' pasa o sábado pola Malata
Fernández Romo "O reto é difícil pero posible. Hai que facer a heroicidade de gañar catro partidos"
Rubén: "A tempada que estamos a facer é fantástica e queremos rematala cos 'playoff'"
Será ás 16:15 e poderá seguirse en directo pola G2
A pelexa polo playoff pasa este sábado pola Malata. O Pontevedra C. F. afronta o derbi ante o Racing de Ferrol coa convicción de que a marxe de erro se reduce e de que cada punto pode marcar diferenzas nunha clasificación cada vez máis apertada.
Rubén: "A tempada que estamos a facer é fantástica e queremos rematala cos playoff".
"Está claro que gañar na Malata sería un indicativo de que isto pode acontecer de verdade".
A catro xornadas para o final do campionato o cadro departamental non ten marxe de erro e sabe que o soño da fase de ascenso pasa por gañar este partido
Fernández Romo "O reto é difícil pero posible. Hai que facer a heroicidade de gañar catro partidos"
Haberá un dispositivo de seguridade para o derbi. Haberá uns 400 afeccionados granates na Malata
