O Rácing levántase dúas veces pero non pode co Avilés (2-2)

O Rácing precisaba unha vitoria sobre o Avilés para manterse a unha distancia de cinco puntos dos postos de promoción, pero o empate da Malata déixao en terra de ninguén, con remotas opcións de entrar na pelexa, e cun colchón de dez puntos sobre o descenso.

Os racinguistas tiveron que reaccionar cedo logo do primeiro tanto do conxunto asturiano. Chegou aos 22 minutos cun envío desde a esquerda e un remate de Santamaría. O Rácing buscou a igualada, e pediuse un penalti á media hora que o árbitro non concedeu na revisión. 

O conxunto galego tivo boas opcións no tempo engadido, primeiro cun remate de ÁLvaro Giménez, e despois cunha cabezada á saída do córner á que respondeu cun paradón Almodóvar. Outro balón ao segundo pau sacouno a defensa. 

A segunda metade comezou cunha ocasión clarísima para o Avilés, que sacou a defensa baixo paus. E, xusto a seguir, Álvaro Ramón empataba cun auténtico golazo, un lorchazo espectacular desde fóra da área que entraba por toda a escadra. 

Quedaba media hora de partido, perto o que se volveu adiantar foi o Avilés, cunha rápida acción con servizo desde a esquerda e remate a pracer de Cueto.

E cando parecía que os puntos voavan cara Avilés, Álvaro Giménez igualaba o choque. Era o minuto 90. Un a un na Malata.