Carles Marco: "Non dependemos de nós, estamos preparados para calquera escenario"

Carles Marco, técnico do Leyma Básquet Coruña, asegurou antes da visita este domingo (18.00 horas, Son Moix) ao Palma Bàsquet que o corpo técnico e os xogadores do líder de Primeira FEB están "preparados para calquera" escenario que poida deparar o resultado propio e os do Obradoiro nos dous partidos que lle restan.

Respecto á posibilidade de ascender este domingo, se o Obradoiro perde na véspera, o badalonés dixo que "se perden, será para ben, porque o domingo estaremos a nos preparar; se non, faremos o noso traballo, que é o que depende de nós".

Se esta fin de semana gañan os dous aspirantes ao salto directo á ACB, ao Básquet Coruña quedaralle por diante cinco días para coñecer cal será o seu fin de curso regular.

"O que imos facer, se pasa isto, é descansar dous ou tres días e volveremos adestrar, porque é o que toca. Non podemos estar a expensas do que suceda, porque non depende de nós".

Á pregunta de se vai ver o Alega Cantabria-Obradoiro, Marco respondeu que "os xogadores teñen a tarde libre".