Primeira patente para un proxecto de alumnos da FP galega
Catro estudantes de Vigo deseñaron un proxecto que mellora a xestión das augas residuais das fosas sépticas no rural
Mellorar o tratamento das augas residuais no rural será posible grazas ao proxecto dun grupo de catro alumnos do centro de formación profesional Valentín Fernández Paz de Vigo. É o sistema Netclean de limpeza automatizado para fosas sépticas que destrúe e filtra os refugallos sólidos, o que mellora a eficiencia e a sustentabilidade. É a primeira patente rexistrada no centro de innovación da FP e xorde no marco do certame InnovaTech FP, en que se pediu aos alumnos resposta ao reto presentado pola empresa Viaqua.
"Para realizar o proxecto tivemos a colaboración de Viaqua, que nos forneceu dos detalles dunha fosa en pleno funcionamento para podermos ter unha visión máis clara á hora de dimensionar o proxecto."
