Pezas únicas froito do traballo artesán en Ourense

Coincidindo coa campaña do Día da Nai, os artesáns sacan as súas creacións á rúa en Ourense. Desta volta fano no parque de San Lázaro.

É a edición número 28 da Feira de Artesanía, unha cita co traballo feito a man na que participan dez obradoiros galegos e outros tres de fóra da nosa comunidade.

Ademais de mercar pezas únicas, este evento tamén permite asistir a exhibicións de diferentes oficios. A feira pecha as súas portas o domingo 4 maio ás nove da noite tras nove días de vendas e actividades.