O xeado hoxe: artesán, adaptado a intolerancias alimentarias e con variedade de sabores

Os xeados non son simplemente un refrixerio nin se toman unicamente no verán. Desde hai máis dunha década consumimolos en calquera estación do ano, sobre todo cando son artesáns e saudables.

Estamos en Desseo en Vigo, netamente galego, que usa leite da Granxa Pazos en Mazaricos, cun obradoiro en Compostela e onde todos os xeados son sen glute. Porque a tendencia da maioría das xeaderías, non só as de Galicia, é a de ofrecer unha gran gama de sabores máis aló do chocolate ou a fresa clásica e que sexan á vez produtos saudables.

"Imos sempre polo camiño natural, artesanal, por suposto. E continuamos tendo os sabores galegos, manténdonos sempre fieis ao sabor de cada xeado; que a avelá saiba a avelá, o psitacho a pistacho, que as mandarinas fagan sentir o seu sabor", conta á TVG  Iris Gómez, da Xeadería Desseo.

Capri é das primeiras xeaderías que lembran en Vigo; en maio fixo 70 anos. Abriuna un italiano, dos montes Dolomitas, en 1957, cando os xeados só se vendían no verán e carta non incluía cero azucre ou cero glute e sabores como os de hoxe.  

"Sésamo tostado. Iso é que facemos o xeado coa semente do sésamo negro e sae un xeado moi rico. E nós temos un sabor moi peculiar que é o dolomiti, que leva ricotta importada do norte e pistacho", explica Inés Graña, dona da xeadería Capri de Vigo.