Un policía fóra de servizo frustra un roubo nun restaurante vigués
O axente viu saír os sospeitosos do local levando a caixa rexistradora e tras seguilos detivo un deles mentres pedía reforzos para dar co outro
Os arrestados xa pasaron á disposición xudicial
Aínda estaba pechado ao público cando os detidos conseguiron acceder ao restaurante forzando unha porta. Un inspector de policía fóra de servizo que estaba na zona viunos saír do local en actitude sospeitosa e ocultando un obxecto pesado baixo a chaqueta.
Seguiunos ata un parque próximo e comprobou que golpeaban cun metal o que parecía unha caixa rexistradora. Alertou e requiriu apoio policial no lugar onde unha patrulla de Seguridade Cidadá procedeu á detención dun dos ladróns.
O outro fuxiu á carreira ao descartase da presenza policial. Saltou un valado metálico e accedeu a terreos restrinxidos do Adif levando con el a caixa rexistradora, que pesaba uns trinta quilos.
Un dos axentes seguiuno comunicando o resto das dotacións as súas características físicas. Localizouno unha patrulla da Policía Local cando tentaba ocultarse baixo un vagón e procedeu á súa detención.
Ademais da caixa rexistradora no restaurante faltaba diñeiro en efectivo e varios dispositivos electrónicos. Os detidos xa pasaron á disposición xudicial.
