Falece un home atropelado na A-6 ao seu paso polo concello de Begonte
Foi un dos particulares que viaxaban no coche implicado quen informou o 112
Unha muller quedou ferida tras irse da vía e envorcar co seu coche en Abegondo
Imaxe de arquivo
Emerxencias de Galicia 112 informa de que minutos despois das 20:40 horas deste sábado chegou o primeiro aviso dun atropelo na A-6.
Foi un dos particulares que viaxaban no coche implicado quen informou o 112 Galicia de que acababan de accidentarse á altura do quilómetro 521 da A-6, ao seu paso por San Martiño de Pacios (Begonte) e en dirección Lugo.
De inmediato, desde o 112 Galicia solicitouse a acción de Urxencias Sanitarias de Galicia-061, da Garda Civil de Tráfico, do GES de Friol-Palas e dos servizos de mantemento da estrada. Tamén se informaron os Bombeiros de Vilalba.
Unha vez no lugar, os equipos de emerxencias confirmaron que se tratara dun atropelo a un home, cuxo falecemento foi confirmado pouco despois polos servizos sanitarios a pesar dos esforzos por salvarlle a vida. As forzas da orde investigan as circunstancias do suceso.
🔴 #AXEGAInforma dun home que perdeu a vida tras ser atropelado na A-6 en Begonte.
— 112 Galicia (@112Galicia) December 13, 2025
📍 Km. 521 da A-6, San Martiño de Pacios.
➡️ Un dos particulares que viaxaba no coche implicado deu aviso ao #112Galicia.
🔗 https://t.co/IqP3OgjQHi pic.twitter.com/o4qKsUkKKO
Unha muller quedou ferida tras irse por fóra da vía e envorcar co seu coche en Abegondo
O 112 Galicia tivo constancia deste accidente contra as 18:40 horas, a través da propia implicada: acababa de envorcar co seu coche pouco antes da ponte da autoestrada, na parroquia de Cerneda (Abegondo).
Ata o lugar desprazáronse Urxencias Sanitarias de Galicia-061, os Bombeiros de Betanzos e os axentes da Garda Civil de Tráfico.
Finalmente, os bombeiros confirmaron que non tiveron que excarcerar a muller, que conseguiu saír do vehículo coa axuda duns familiares. Foi atendida polo persoal sanitario.
