Aparatoso accidente dun guindastre de 60.000 quilos cunha persoa ferida na Pobra

Un guindastre de grandes dimensións, de 60.000 quilos de peso, sufriu un aparatoso accidente na noite deste luns nunha rotonda á altura do quilómetro dous da estrada comarcal de AC-302.

O condutor do vehículo resultou ferido e, tras ser atendido nun primeiro momento no lugar do sinistro, foi trasladado nunha ambulancia do 061 ao Hospital do Barbanza. Un particular que circulaba pola estrada contactou co Centro Integrado de Atención ás Emerxencias (CIAE) 112 Galicia para alertar do accidente.

O guindastre quedou envocardo na estrada AC-302, preto dun acceso á vía rapida do Barbanza, e houbo que poñer en marcha un dispositivo especial de tráfico para proceder á súa retirada.