Partido moi completo do Deportivo Abanca ante o Osasuna (3-0)

Triunfo cómodo do Deportivo Abanca en Abegondo ante o Osasuna. Foi o partido máis completo das deportivistas no que vai de temporada. A acción decisiva foi a do gol de Marta Charle xusto antes do descanso, no minuto 44.

As de Irene Ferreras ampliaron vantaxe ao pouco de volver dos vestiarios. Marcou Laura Fernández. A goleada completouse xa no tempo engadido. O terceiro do deportivo Abanca levou a sinatura de Sara Navarro.

As coruñesas colócanse de terceiras e superan así na clasificación o seu rival de hoxe.