Giménez declárase un "namorado" da Coruña na véspera de volver ao Metropolitano
O central uruguaio é un mito do Atlético onde xogou 13 temporadas e case 400 partidos
Malia estar cedido no Deportivo pediu incluír unha cláusula para xogar diante do equipo ao que aínda pertence
José María Giménez foi o xefe da defensa do Atlético e agora exerce de líder no Deportivo. Cedido polo equipo madrileño, está totalmente adaptado ao novo club e á vida na Coruña, unha cidade da que se declara "namorado".
Volverá ao Metropolitano, un estadio que o aplaudiu durante 13 temporadas pola súa entrega e sacrificio. Foron case 400 partidos oficiais e unha infinidade de éxitos. Por riba de todo dúas Ligas, unha Europa League, unha Supercopa de España e outra de Europa.
Pero Giménez sabe que a súa etapa no Atlético rematou malia que lle queden dous anos máis de contrato. Agora céntrase en defender o escudo do Dépor e xogará diante do seu antigo equipo porque pediu incluír unha cláusula que llo permitise.
