Ozempic é o medicamento que encabeza os ingresos das farmacias españolas
A sanidade pública investiu máis de 400 millóns en financialo
O seu uso para combater a obsesidade non está cuberto polo seguro
A aparición do Ozempic supuxo unha revolución no tratamento da diabetes e disparou vendas a nivel mundial pola súa eficacia contra a obesidade. En España xa é o medicamento que encabeza os ingresos das farmacias.
"O que pasa é que é un medicamento que ten un importe elevado. De base o prezo é de 128 euros, entón cada unidade suma moito na conta global", explica Ignacio Labella, voceiro do Colexio de Farmacéuticos da Coruña.
Polo momento o seu uso contra a obesidade non vai polo seguro. Os que precisen perder peso terán que pagar outros fármacos feitos coa mesma molécula, a semaglutida.
"O que fai é que os pacientes perdan apetito, ganas de inxerir graxas. Por iso é moi eficaz para perder peso. Como todo medicamento ten contraindicacións, non son moi graves, pero hai que vixialas".
Se o Ozempic é o fármaco en que máis gasta a Seguridade Social, o paracetamol é o principio activo que máis se receita, seguido do omeprazol e do metamizol.
O Sistema Nacional de Saúde desembolsou o pasado ano máis de 13.000 millóns de euros en receitas, máis da metade foron de fármacos xenéricos.
