Os xogos de mesa, unha alternativa libre de pantallas que reactiva a mente

Todo o mundo asocia os xogos de mesa aos bos recordos da infancia. E os máis lembrados adoitan ser os clásicos, aqueles que nunca pasan de moda, como o parchís, o xadrez ou as damas.  

Dentro da eclosión que vive actualmente o mercado de xogos de mesa, de rol ou de estratexia, hai sitio para todas as idades, dende os máis novos ata as persoas de idade avanzada.

Tanto é así, que esta nova ludoteca, situada no recinto histórico de Lugo, decidiu organizar talleres dirixidos a maiores de 60 anos.

"Vés socializar e divertirte, e á vez estás activando zonas da mente que doutra forma quedarían un pouco máis de lado. Os xogos van promover que se creen nova conexións mentais, ao aprender novas regras de novos xogos, novas mecánicas", sinala Esther Mora, xerente de Nautilus. 

Por unha achega de dous euros por persoa, o establecemento tamén dispón dun espazo onde pasalo ben e en compaña con xogos tanto para os avós como para os netos.