Usuarios da estrada vilalbesa que une Fabás e Samarugo denuncian o mal estado do firme
As pistas da contorna foron arranxadas pola Administración local, polo que a veciñanza reclama o mesmo trato e que se renove o pavimento
As fochancas que se foron abrindo na estrada que une Fabás e Samarugo, na parroquia vilalbesa de Goiriz, adquiriron tales dimensións que o firme se volveu intransitable. Tanto é así que parte dos usuarios, como os repartidores, deixaron que circular por esta pista. Pola súa parte, a veciñanza vese obrigada a dar rodeos quilométricos para evitar avarías nos seus vehículos.
Os residentes na zona sinalan que outras vías da contorna si foron arranxadas recentemente. Reclaman, por tanto, o mesmo trato e que se renove canto antes o pavimento.
Cuns dous quilómetros de lonxitude, a estrada comunica cinco vivendas, algunhas con persoas de idade avanzada, e varias explotacións gandeiras.
