Os talleres non dan abasto tras a sarabiada do día de San Xoán
Calculan que hai máis mil vehículos danados polo pedrazo
Os sacabolos convertéronse na peza clave para axiliar o traballo
Os talleres de chapa e pintura traballan a pleno rendemento para reparar o elevado número de coches con bolos ou outros desperfectos provocados polo pedrazo.
"Bolos en distintas partes dos coches e no lateral do teito. Isto no 90 por cento dos vehículos. E á maioría hai que sumarlle o resto dos paneis porque o pedrazo, ao igual ca auga, tamén pode caer sobre un lateral e é raro que non teñan algo danado en cada panel. E isto, multiplica o traballo por moito en pouco tempo", explica Adrián Gómez Gómez, varilleiro.
Con esta situación, os especialistas en eliminar as rugosidades metálicas sen alterar a pintura do coche convertéronse nunha peza clave. Son os coñecidos como sacabolos e, sen eles, os talleres tardarían semanas en absorber a carga de traballo que teñen nestes intres por mor da sarabiada de San Xoán.
"Axilizas moito porque pasas de facer un coche cada tres ou catro días a que cada varilleiro faga un coche cada día. E o coche conserva a súa calidade de orixe", engade Gómez.
Axilizan o traballo e mesmo pode saír máis económico.
"Un bolo nunha aleta é máis económico que arranxar a aleta enteira. Elixir esta opción non só se fai porque sexa máis económico senón pola calidade e a rapidez", conclúe Gómez.
