Os oito goles de Alicia Fernández danlle esperanzas á selección española de balonmán

A selección española feminina de balonmán, liderada por Alicia Fernández, pasou como primeira de grupo á Main Round do Mundial tras superar a Montenegro. A xogadora de Valdoviño foi a MVP do partido. Alicia meteu 8 tantos, a máxima goleadora do encontro. Tivo unha eficacia do 80%, case infalible nos lanzamentos de penalti -transformou 6-. As españolas apertaron en defensa, conscientes de que o futuro no torneo pasaba por este partido. Chegaron gañando por 11-15 no descanso e 26-31 ao final. Na segunda fase, España, que parte con dous puntos, medirase a Serbia, Islandia e Alemaña.