A selección española de balonmán xogará en Vigo diante de Portugal

Vigo acollerá a segunda xornada da selección española de balonmán na Euro Cup. O equipo que dirixe Jordi Ribera medirase con Portugal o 8 de novembro a partir das 18:00 horas no IFEVI. Un duelo que, ademais, servirá para medir as aspiracións da selección co Campionato do Mundo do ano próximo no horizonte. Con este encontro, os Hispanos regresan a Galicia para un partido de primeiro nivel.