Os expertos din que cambiar a pechadura por outra máis actual é a mellor medida antirroubo
Os roubos en vivendas son un dos delitos que máis alarman e que se incrementan no verán, cando os domicilios están baleiros
O 80 por cento dos asaltos cométense en vivendas onde para os ladróns é máis fácil entrar
O coñecido como bumping é un dos múltiples métodos que empregan os delincuentes para forzar as pechaduras. Nos últimos anos as técnicas evolucionan e son cada vez máis sofisticadas e innovadoras.
Para evitar os roubos, os expertos recomendan actualizar o pecho polo menos cada dez anos para que non quede obsoleto.
En cursos coma os organizados pola JUPOL e o CSIF as forzas de seguridade actualízanse para poder identificar as novas ferramentas que empregan os delincuentes. Tamén aprenden técnicas de apertura de portas para os casos máis urxentes.
O curso dirixido ás forzas de seguridade e servizos de emerxencia impartirase en diferentes cidades galegas.
