Detido un mozo en Sanxenxo por entrar nunha parcela e ameazar o propietario cunha navalla
O dono sorprendeuno na súa propiedade tras ser alertado polos veciños
O arrestado, veciño de Portonovo, conta con antecedentes por roubo
Policía Local
A Policía Local de Sanxenxo (Pontevedra) detivo un mozo de 20 anos que entrou na propiedade doutra persoa, á que ameazou de morte cunha navalla.
No momento do incidente o propietario non se atopaba no domicilio, e foi avisado por varias persoas que viron o detido deambulando pola zona.
Cando chegou, o mozo reaccionou de forma violenta e ameazouno de morte cunha navalla.
Cando chegaron os axentes, o atacante xa non se atopaba no lugar, pero foi localizado minutos despois na rúa Vigo, onde se procedeu á súa detención.
Tras formalizar as correspondentes dilixencias foi posto á disposición da Garda Civil, en calidade de detido, investigado por un delito de ameazas.
O arrestado, veciño de Portonovo, conta con varios antecedentes contra a propiedade.
