Publicador de contidos

Publicador de contidos

O banco de alimentos necesita voluntarios para a recollida masiva de maio

O banco de alimentos necesita voluntarios para a recollida masiva de maio

O Maio Solidario desenvólvese durante catro días: este venres e sábado e quince días despois

Voluntarios do banco de alimentos traballando na nave de Santiago este xoves
G24.gal 12/05/2022 14:15

O almacén do banco de alimentos recibe acotío doazóns e case coa mesma rapidez saen para institucións ou asociacións que distribúen os produtos básicos a persoas que non teñen cartos para mercalos.

E a precariedade económica crece. O aumento é xeneralizado e no banco de alimentos compostelán sitúano preto do vinte por cento.

Ángela Vergara Núñez, voluntaria permanente do banco de alimentos, di que "estariamos nun 18 por cento máis, por aí. Neste último ano o número de beneficiarios que temos aumentou bastante, en 1.630. Supoñemos son persoas que antes estaban traballando e non  o necesitaban".

Andan coa recollida masiva de alimentos e produtos de hixiene persoal da campaña Maio Solidario. Precisan voluntarios para estar nos supermercados e no almacén. Piden  que colaboren máis persoas na tarefa de xestionar unha axuda solidaria que é vital para moitas persoas.

Ángela afirma que "necesitamos máis voluntarios; de feito, estamos a chamar moitísima xente por teléfono. Agora mesmo somos poucos voluntarios. Somos cinco neste almacén simplemente e, a verdade, faríanos falta algunha man máis para poder mover todos os quilos de alimentos que movemos".
 
Buscan a quen teña ganas e posiblidades de facer algo altruistamente. Como o mozo peruano que xa leva dous anos axudando no almacén de Santiago, Miguel Luis Atocha, que di que "buscaba un traballo ou algo que estudar, e daquela púxenme a axudar aquí".
 
Os bancos de alimentos de Galicia reciben doazóns e reparten desinteresadamente cada ano miles de quilos; só na provincia da Coruña, preto de 200 toneladas, de alimentos e produtos de hixiene persoal. Estes últimos canda alimentos para o almorzo son do que máis necesidade hai.
 
Publicidade
Publicidade
Publicidade