Once detidos por facer graffiti en trens de Vigo, A Coruña e Ponferrada

A Policía Nacional detivo 11 graffiteiros que fixeron pintadas en trens de Vigo, A Coruña e Ponferrada. Están acusados de seren os autores de case un cento de feitos delitivos en vagóns e instalacións de Renfe. Os danos causados polas pintadas ascenden a 422.000 euros.

Oito dos arrestos tiveron lugar na Coruña, dous en Vigo e un na localidade leonesa de Ponferrada. Algúns dos detidos tamén cometeron feitos similares noutros países europeos.

A mesma operación, denominada Ártabra, tamén permitiu que a policía esclarecera un roubo con forza rexistrado na estación de Renfe en Ferrol.