Ofrenda das nais á Virxe de Fátima en Ourense

É un dos actos máis emotivos da novena de Fátima, na cidade de Ourense. Nais e avoas erguen os ramos que lle ofrecen á Virxe para a procura de protección para os seus.

Flores brancas polos familiares vivos e vermellas en lembranza dos que xa faleceron. Unha tradición que aprenderon de xeracións pasadas e que intentan transmitir aos máis novos.

Tras a ofrenda, caraveis, rosas ou gladíolos servirán para adornar a carroza na que a imaxe da Virxe de Fátima sairá en procesión, como cada 13 de maio á noite, polas rúas de Ourense, unha das procesións máis multitudinarias da provincia.