Obras nas peaxes da AP-53 en Vedra e Lalín obrigan a cortes de tráfico nocturnos ata o 18 de marzo
A circulación estará cortada de luns a venres e en horario nocturno de 23:00 a 7:00 horas
Habilitarase un itinerario alternativo para cada sentido de circulación a través da N-525
O Ministerio de Transportes e Mobilidade Sostible realizará obras de mellora nas peaxes da AP-53 en Vedra (A Coruña) e Lalín (Pontevedra) a través da sociedade concesionaria Acega.
Os traballos consistirán na instalación de dous pórticos de peche de orixe de peaxe en dous puntos da autoestrada AP-53: por unha banda, no quilómetro 11,565, concretamente na calzada dereita xunto á praza de peaxe de Vedra (A Coruña); e, doutra banda, no quilómetro 34,305, na calzada esquerda xunto á praza de peaxe de Ponche en Lalín (Pontevedra).
Para garantir a seguridade dos operarios e usuarios, desde este luns 9 de marzo ás 23,00 horas e, previsiblemente, ata o mércores 18 de marzo ás 7,00 horas, o tráfico se verá afectado na AP-53.
Non haberá cortes os festivos
En concreto, cortarase a calzada sentido Ourense (dereita) entre o quilómetro 1,95 e o 15. Ademais, interromperase o tráfico na calzada sentido A Coruña (esquerda) entre o quilómetro 42,24 e 33,30. Os cortes produciranse de luns a venres e en horario nocturno de 23:00 horas a 7:00 horas e non haberá os festivos e en ningún caso executaranse os cortes de calzada dereita e esquerda de forma simultánea.
Para asegurar a fluidez da circulación habilitarase un itinerario alternativo debidamente sinalizado para cada sentido de circulación a través da N-525.
