O Sergas, único sistema de saúde da New European Bauhaus

A New European Bauhaus é un proxecto da Comisión Europea e o Sergas é o partner encargado de que a saúde sexa un eixe vertebrador deste novo modelo de futuro. Trátase de conseguir que os investimentos económicos sexan intelixentes, que repercutan na calidade de vida, na inclusión, na cohesión social e que nos sirvan parta reconectar coa natureza.

Galicia presentou hoxe o seu proxecto para esa Nova Bauhaus Europea. Co nome da escola arquitectónica que foi tamén utopía social nos anos 20 do século pasado, Europa redeséñase en clave sostible e o Sergas é elixido para que a saúde estea presente nese deseño.

"A xente só pensa na saúde cando a perde, pero temos que ser conscientes que onde vivimos, onde traballamos, onde nos relacionamos, todo iso vai incidir na nosa saúde", explica Beatriz Piñeiro, técnico de Innovación e Sostibilidade do Sergas .

Que temos que cambiar o noso xeito de vivir, explícannos, quedou en evidencia coa pandemia. Por iso propoñen un modelo sostible. Exemplos? Proxectos coma un bosque con cabanas de madeira no hospital Álvaro Cunqueiro, no que atender meniños con patoloxía oncolóxica; converter O Gaiás no observatorio europeo de sáude e o clima; incluír a arte como terapia no Piñor de Ourense.

"Que se constrúa con materiais naturais e que a percepción é que sirva como elemento de acollida". explica Cristina Ezcurra, proxectista do centro de saúde da Laracha, que a UE tomou como referencia.

Beleza e sociedade son necesarios para unha boa vida. Falan de apostar polos que teñen necesidades, de poñer por diante a nosa saúde e a do planeta e ir sumando socios. De momento, en Galicia, nesta pensada colectiva ao futuro participan xa as tres universidades e un bo número de olexios profesionais e fundacións.

Falan de recuperar o sentimento de pertenza á natureza que nos fai humanos e iso significa que a arquitectura tamén cambia.