O serbio Aranitovic renova unha tempada co Breogán
A súa renovación únese á anunciada recentemente do base croata Dominik Mavra
O aleiro serbio Aleksandar Aranitovic ampliou un ano máis, ata xuño de 2026, o seu contrato co Río Breogán, ao que chegou o verán pasado procedente do Cibona de Zagreb.
Formado no Estrela Vermella de Belgrado, o xogador balcánico debutou esta tempada na liga española tras o seu paso por Partizán (Serbia), Ada Blois (Francia), Heroes Dean Bosch (Holanda), Altyus Dzukija (Lituania) e Cibona (Croacia).
Na liga Endesa, Aranitovic disputou ata o momento 28 partidos coa camiseta celeste, cunha media de case 21 minutos sobre a cancha e unhas medias de 7.1 puntos e 4.1 rebotes por encontro.
A súa renovación únese á anunciada recentemente do base croata Dominik Mavra. Ademais, o capitán Erik Quintela ten un máis de contrato coa entidade lucense.
