O Obradoiro anuncia a contratación de Brandon Childress para a dirección do xogo

Este mediodía coñeciamos outra incorporación para o Monbús Obradoiro: o base estadounidense Brandon Childress. 

Ten 28 anos e 1.83 de altura. Chega procedente do Bursaspor turco, onde foi un dos principais referentes ofensivos. Promediou 14,9 puntos, 6,8 asistencias e 2,6 rebotes por partido. Ademais, disputou a Basketball Champions League, na que promediou 10,5 puntos, 5,5 asistencias e 2,7 rebotes en seis partidos.

Childress ten unha ampla experiencia internacional. Xogou previamente en Lituania, Grecia, Estonia ou Alemaña. Destaca pola súa capacidade anotadora e a súa dirección de xogo.