O Rácing quere recuperar a solidez como local, onde non gañaron os últimos tres encontros

O Rácing recibe na Malata o poderoso Levante, un rival que está moi lonxe dos postos que agardaba ao comezo do campionato. O equipo ferrolán atópase nunha situación de privilexio, pero nesta segunda volta xogou cinco partidos e só logrou unha vitoria.

Foi con protagonismo goleador de Álvaro Giménez. O dianteiro quere recuperar a solidez como local, onde non gañaron nos últimos tres encontros, e sabe da dificultade das segundas voltas nesta categoría.

"Cada vez queda menos. Sempre custa máis a 2ª volta. Temos que dar un plus máis e recuperar o nivel sobre todo na casa".

O adestrador do Levante, Javi Calleja, asegurou que non está preocupado por unha posible destitución en caso de non gañar o domingo en Ferrol.