O Rácing pode co Pontevedra no derbi da Malata (2-0)
O Pontevedra comezou mellor e tivo opcións
Os locais foron de menos a máis e Etienne marcou ao fio do descanso
Ojeda resolveu a incerteza a catro minutos do final
O derbi principiou cun Pontevedra mellor. Cun debuxo con tres centrais que se lle complicou ao Rácing. As primeiras ocasións fóron para os do Lérez, con opcións para Iborra, Yelko e Compa. Pero, pouco a pouco, os verdes lle foron collendo o aire ao partido. Ojeda xa advertía desta melloría. E dous minutos antes do intermedio, Etienne Eto´o acertaba a aproveitar unha acción de álvaro Ramón para poñer por diante aos de Ferrol.
Á volta do descanso, a Malata agardaba o acoso do Pontevedra, pero a expulsión de Alberto Gil (minuto 55) marcou o devenir do partido. Cun máis, os departamentais impuxeron a súa calidade técnica e, no que quedaba, mandaron dous tiros ao pao e marcaron un segundo tanto, de Ojeda (minuto 86). Plácido final.
Esta vitoria permítelle ao Rácing estar enganchado arriba e descolga un chisco aos do Lérez desa intención.
