O presidente do Obradoiro está moi ilusionado co novo proxecto
O presidente do Obradoiro está moi ilusionado co novo proxecto
Moncho Fernández: "O club fixo un esforzo moi grande para facer este equipo, desexo estar á altura"
O presidente do Monbus Obradoiro, Raúl López, asegurou este martes estar “moi ilusionado” co equipo que configuraron para a liga Endesa 2022-23, aínda que advertiu do risco de poñer “os carros antes que os bois” porque o resto de clubs tamén se reforzaron moito.
“Aínda que pareza que fixeches un esforzo moi grande para reforzar o persoal, logo hai que ter en conta que o resto dos equipos tamén o fan. Estou moi ilusionado, agora hai que demostralo na pista porque esta é unha liga moi fodida”, comentou o dirixente aos xornalistas tras dar a benvida ás novas fichaxes.
O máximo accionista do club pediulle aos xogadores que sentan “orgullosos” de formar parte do Obradoiro, e non escondeu o “gran esforzo” económico que tiveron que facer para fichar a xogadores contrastados como o internacional francés Leo Westermann ou o croata Dragan Bender.
“Agora necesitamos ampliar a masa social porque necesitamos máis ingresos”, apuntou López, quen confía na “resposta” dos afeccionados e insistiu na necesidade de implicar ás institucións públicas porque non se pode loitar contra cousas imposibles”.
Pola súa banda, Moncho Fernández valorou a pretemporada do equipo:
"Estamos nun bo momento. Quedan dúas semanas e a estas alturas estou ledo".
"O club fixo un esforzo moi grande para facer este equipo, desexo estar á altura".