Rubén Fernández remata cuarto en Chequia, no asalto de Herlings ao liderado

No Gran Premio da República Checa de MXGP, Herlings aproveitou a ausencia de Lucas Coenen por lesión para asaltar o liderado da xeral. Venceu a carreira de cualificación e as dúas mangas. Ten 49 puntos de vantaxe sobre Coenen.

O vigués Rubén Fernández tivo unha boa fin de semana, malia a que comezou mal cunha caída na cualificación e o noveno posto na grella. Na primeira quenda foi o quinto, e rematou de cuarto na segunda manga, o mesmo posto que ocupou no Gran Premio. Cos 36 puntos que sumou esta fin de semana, ascende ata o quinto posto do Mundial.