O Poio Pescamar gaña a súa cuarta Copa Galicia de fútbol sala

Na final da Copa Galicia de fútbol sala feminino Poio Pescamar logrou o cuarto título da súa historia. Foi nunha final moi disputada e onde Ence Marin Futsal pelexou ata o final.

Irene Garcia adiantou as de Poio mediado o primeiro tempo. Pero na segunda metade, Marin logrou a igualada nesta contra que culmina Debora Lavrador. Houbo prórroga, e nese tempo extra chegou o gol do triunfo para Poio grazas a un gol de Rocío Gómez.