O Obradoiro despide a pretemporada cunha vitoria na pista do Valencia

O Obradoiro despediu a pretemporada cunha importante vitoria. Gañou o trofeo Cidade de Valencia, na Fonteta, por 10 puntos de diferenza. No equipo de Moncho Fernández, no aspecto ofensivo, destacou Marek Blazevich, con 22 puntos, ben complementado nesa faceta por Leo Westerman con 17. No cadro de Álex Mumbrú tan só Alexander e Jones estiveron por riba dos 10 puntos.

O equipo santiagués prepárase xa para o inicio da Liga ACB, que será o xoves vindeiro contra o Zaragoza no Multiusos Fontes do Sar.