O martes volve abrir o marisqueo nos bancos de Noia logo de nove meses de paro
O paro serviu para darlle tempo á especie a recuperarse despois de que as chuvias de comezo de ano provocaran unha mortaltande de entre o 80 e o 90% dos bivalvos
Uns 1.500 mariscadores volven traballar o martes para levar o berberecho de Noia de volta aos mercados
Falta pouco xa para que os berberechos volvan chegar á lonxa de Testal. Finalmente será o martes cando uns 1.500 mariscadores volverán ao traballo nos tres bancos da ría.
Pasaron máis de nove meses dende a última vez que puidemos ver estas imaxe dos mariscadoras traballando. A confraría pechou a finais de ano a campaña de marisqueo en Noia coa intención de retomar a actividade a comezos de marzo.
Pero as intensas chuvias de xaneiro e febreiro afectaron moi negativamente aos bancos provocando unha mortaldade do bivalvo de entre o 80 e o 90%, polo que se decidiu manter a zona pechada para darlle tempo á especie para recuperarse. Este paro desabasteceu os mercados e disparou o prezo do berberecho. Porque, compre lembrar que o 90% do berberecho galego provén desta zona de Noia.
A especie foise recuperando nos últimos meses, malia que aínda non alcalza os calibres máis altos. Din os expertos que para recuperar ese berberecho de maior tamaño sería preciso polo menos un período dun ano sen episodios de chuvias torrenciais consecutivas.
