Tres minutos tolos privan o Lugo dos tres puntos no Molinón
Tres minutos tolos privan o Lugo dos tres puntos no Molinón
Carrillo marcou o seu sétimo gol na temporada logo dun gran centro de Ricard
Gerard Valentín rematou expulsado xusto despois do tanto do empate do Sporting
Xavi Torres e Ricard Lopez lamentan os dous puntos perdidos no Molinón
Logo dese macrogromo, o Lugo volveu á competición facendo un gran partido.
Os de Rubén Albés golpearon primeiro cun golazo de Carrillo, dominaron e tiveron as mellores ocasións, ata o minuto 61.
Nese intre, e logo dunha perda de Gerard Valentín, Aitor García empataba para o Sporting e tan só dous minutos despois o colexiado expulsaba ao propio Gerard con cartón vermello directo logo dunha entrada por detrás a Kravets.
Malia todo, o Lugo xestionou o marcador e incluso tivo algunha opción para levar os tres puntos cun futbolista menos. Ao final, e tendo en conta o contexto, meritorio punto dos albivermellos no Molinón.
Minuto a minuto
Feliz ano 2022!
Volve o fútbol profesional, volve o Lugo a competir logo do macrogromo. Esta é a aliñación elixida por Rubén Albés para buscar os tres puntos contra o Spórting. Primeira titularidade de Álex Pérez e Ricard Sánchez, Lebedenko, Xavi Torres, Chris Ramos e Carrillo novidades.
|ALIÑACIÓN| 👥
— Club Deportivo Lugo (@CDeportivoLugo) January 2, 2022
Con este 1⃣1⃣ inicia o @CDeportivoLugo o seu partido de hoxe na #LigaSmartbank!
👍 @oscachivaches #RealSportingLugo#ForzaLugo pic.twitter.com/IiMLyn7Go0
Moita presenza de afeccionados albivermellos hoxe en Xixón!
Arrincou o partido!
Comeza movendo o balón o conxunto local
Domina o balón o Lugo nestes 10 primeiros minutos de partido, aínda sen ocasións para ningún equipo
Mellor agora o Sporting aínda que sen demasiado perigo. Os dous primeiros tiros a porta foron locais e ambos nas botas de Djuka
A mellor do Lugo no que vai de partido!
Aproveitou dende a frontal Lebedenko un rexeite dunha falta lateral para rematar a porta. O seu disparo bateu finalmente nas costas nun defensor e marchou a córner
QUE REMATE DE SEÑÉ!
A piques de marcar o primeiro o Lugo, espectacular a volea do centrocampista de San Cugat. Enganchouna de marabilla e só a gran intervención do galego Mariño evitou o tanto.
GOOOOOOL DE CARRILLO PARA O LUGO, O SEU SÉTIMO GOL NA TEMPORADA!
Espectacular a condución de Ricard Sánchez pola banda esquerda cando está xogando de lateral dereito, centro coa zurda e remate de Carrillo para poñer por diante ao Lugo xusto antes de que o colexiado sinale o descanso no Molinón!
José Ángel Carrillo comeza o 2022 como rematou o 2021: marcando goles. Sétimo gol na tempada do dianteiro murciano, curiosamente anotou os sete lonxe do Anxo Carro
Comeza a segunda metade!
TIVO O SEGUNDO SEÑÉ!
Saque de banda directamente a área de Gerard Valentín, peitea Carrillo e volea de Señé que detén de novo Mariño, mesmos protagonistas da ocasión da primeira metade
Primeiro troco no Lugo, retírase Álex Pérez (semella que con algún problema físico) e entra Carlos Pita
Remata alto Ros!
Centro de Ricard nunha falta lateral e remate do central do Lugo que marcha alto. A xogada estaba anulada por fóra de xogo. Dominador claro o conxunto de Rubén Albés nestes intres
Empata o Sporting, marca Aitor García
É o primeiro disparo do conxunto local na segunda metade
Crécenlle os ananos ao Lugo, expulsado Gerard Valentín
Entrada por detrás sobre Kravets e o colexiado amosa cartón vermello directo. En cuestión de 3 minutos e cando mellor estaba o Lugo, deulle a volta o Sporting que xa ten o partido de cara
Tívoa Ricard!
Gran centro ás costas de Señé e o incansable lateral que rematou forzado. Chegando o Lugo nos últimos minutos malia ter un xogador menos
Final no Molinón!
O Lugo volve a Galicia cun punto no peto que, tendo en conta como se puxo o partido, hai que poñelo en valor
