As zonas habitualmente frescas de Galicia non escapan da calor, que tamén apertará de noite
Zonas habitualmente frescas, coma Valdoviño, agardan 26 graos o venres e 30 o sábado
A noite do sábado MeteoGalicia prevé que a temperatura non baixe dos 20 graos
Onde normalmente o sol se asocia co vento do nordés poucas veces hai ocasión de sentir verdadeira calor, coma a que se está empezando a sentir este venres no litoral de Ferrolterra.
Con esta masa de aire cálido, MeteoGalicia agarda hoxe en lugares coa Valdoviño máximas de 26 graos e 30 para mañá sábado.
Esta vai ser unha desas noites nas que non faga falta a chaqueta. MeteoGalicia prevé unha mínima de 20 graos, un valor que rozan neste concello moitas veces as máximas nestas datas. Pero os que gozan habitualmente destas paraxes din que para a calor sempre hai remedio, porque a auga está fresquiña e, aínda que custa meterse, cando fai tanta calor, presta.
